هديه الفلانتين بافكار بسيطة

هديه الفلانتين ممكن تعمليها انتي باايداكي باافكار بسيطه وجميله وكمان بالصور-افكار تقديم هديه مختلفه لحبيبك

... مع قرب الفلانتين يبداء التفكير في اليوم وهنعمل ايه وهنجيب ايه وكمان دلوقتي كلنا بقينا بنحب ندور علي الحاجات المختلفه والغريبه جدا والي بجد توصل مشاعرنا للي احنا بنحبهم بطريقه بسيطه وتعبر عننا ...الهدايه التقليديه المعروفه اكيد موجوده بااستمرار وليها بردو تاثرها علي الشخص بس انا حبه العيد ده نعمل كل حاجه باايدانا باافكار

بسيطه وجميله وهتبقه اجمل علشان احنا الي عملنها للي بنحبهم وبس ومش هتبقه مع حد تاني وبجد هيبقه ليها معاني اجمل كتيييير من أي هديه تانيه...

هبداء اقولك بقه علي الافكار
اول حاجه بنجيب علبه زجاج شفافه ونبتدئ نحط فيها اجمل الصفات الي احنا بنحبه في الشخص بطريقه جميله ومختلفه ونلفها بفيونكه كبيره مثلا من بره ونكتب عليها اجمل الحاجات الي انا بحبها فيك ويفتح العلبه يلاقي ورق كتييير مكتوب فيه الصفات بشكل حلو ومختلف وكمان ممكن نحط الورق في شيكولاته بردو هتبقه حلوه قوي وكل مره يقره حاجه مختلفه مع كل شيكولاته ياكلها.

تاني فكره ودي عجباني جدا اننا نعمل علي مدار الساعه هديه يعني مثلا الساعه 10.3 بظبط يفتح هديه وبعدها 11.3 يفتح واحده تانيه وهكذا كل ساعه بقه ومش لازم تكون غاليه او كبيره تكون افكار بسيطه وجميله وممكن بردو كلام مكتوب جواها وكل ساعه تفتح هديه من مجموعه الهدايه الي هتكوني عملاهالو وحاجه كمان موضوع 3 دقايق بردو ليها معني وفكره مختلفه مش رخامه يعني وبس ههههه دي لو اول عيد حب بتبقه ودقيقه واحده لو التاني يبقه دقيقتين لو التالت بتبقه 3 دقايق وهكذا بقه حسب المده بقه بتاعت كل اتنين ودي بردو تنفع في عيد الجواز اذا كان الاول وله التاني وهكذا بردو بتبقه جميله ومختلفه وممكن بردو نخلي كل هديه في مكان مختلف علي فكره حتي لو مخطوبين ممكن يستلم كل مره هديه من مكان مختلف كل ساعه نتصل بيه ونقوله مكان مختلف للهديه ولازم يوصل في المعاد بجد فكره مجنونه وجميله جدا ...

تصنيف : فيس بوك